காதல் நியதி

காற்றும் பனித் துளியும், பெண்ணே பெண்ணே - ஒன்று
    கலந்திடுதல் காண்பாய் நீ, பெண்ணே பெண்ணே - சுனை
ஊற்றும் நதி அண்டிப், பெண்ணே பெண்ணே - மிக்க
    ஊடலுடன் உடல் சேர்க்கும், பெண்ணே பெண்ணே - அந்த
ஆற்றும் சமுத்திரத்தில், பெண்ணே பெண்ணே - அன்புச்
    சங்கமம் தான் கொள்ளுது பார், பெண்ணே பெண்ணே - இவை
ஏற்றும் இணைந் தென்ன, பெண்ணே பெண்ணே - இன்று
    என்னை நீ இணைந்திடலால், பெண்ணே பெண்ணே!

உலவி வரும் வெண் மேகம், பெண்ணே பெண்ணே - மலை
    உச்சிதனை முகர்வது காண், பெண்ணே பெண்ணெ - வெள்ளி
மலரதனின் இதழ் அப்பி, பெண்ணே பெண்ணே - வண்டு
    மொய்ந்தாடி ரீங்கரிக்கும், பெண்ணே பெண்ணே - அங்குக்
குலவிவரும் பறவை இனம், பெண்ணே பெண்ணே - கொஞ்சி
    அலகுகளைச் சேர்ப்பது பார், பெண்ணே பெண்ணெ - முத்தம்
உலகசம நியதி யெனில், பெண்ணே பெண்ணே - எனக்கு
    ஒன்று நீ தராவிடில் பயன்தான் என்னே?

( ஷெல்லியின் Love's Philosophy  தமிழாக்கம் ...
 நண்பர் ஜெமினி கணேசன் கேட்டதற்காக )